Lajme - Ambasada e Republikës së Bullgarisë në Republikën e Shqipërisë

Më 14 nëntor 2025, në Ambasadën e Republikës së Bullgarisë në Tiranë u zhvillua konferenca e dytë shkencore ndërkombëtare kushtuar 155-vjetorit të krijimit të Ekzarkisë Bullgare dhe 80-vjetorit të shpalljes së Kishës Ortodokse Bullgare si autoqefale. Forumi u organizua nga Universiteti i Bibliotekonomisë dhe Teknologjive të Informacionit (UniBIT), me mbështetjen e Ministrisë së Kulturës të Republikës së Bullgarisë dhe në partneritet me Ambasadën në Tiranë. Hapja e konferencës ishte solemne në praninë e studiuesve, diplomatëve, personaliteteve publike, përfaqësuesve të diasporës bullgare dhe komunitetit akademik shqiptar. Ambasadori i Jashtëzakonshëm dhe Fuqiplotë i Republikës së Bullgarisë në Shqipëri, Z. Ivajllo Kirov, theksoi në fjalim rëndësinë e Ekzarkisë Bullgare për ruajtjen e identitetit kombëtar dhe traditës shpirtërore të komuniteteve bullgare jashtë atdheut. Ai vuri në dukje se iniciativa të tilla kulturore dhe shkencore janë ura ndërmjet kulturave dhe dëshmi e pranisë së qëndrueshme bullgare në Ballkan.

Në fshatin Ostren të Madh, në qarkun e Dibrës, gjatë një fushate falas mjekësore, u përdor për herë të parë në Shqipëri një pajisje e gjeneratës së fundit për depistimin e syve, prodhuar nga një kompani franceze lider në fushë.

Në vitin 2025 katër organizata nga Shqipëria do të përfitojnë nga grantet e ofruara nga shteti bullgar në kuadër të ndihmës zyrtare për zhvillim. Për këtë qëllim në ambasadë në Tiranë, Ambasadori i Jashtëzakonshëm dhe Fuqiplotë i Republikës së Bullgarisë në Republikën e Shqipërisë, z. Ivaylo Kirov, nënshkroi marrëveshje me kryetarët e këtyre organizatave.

Në Shqipëri do të zhvillohet fushata informuese për aplikim në kuadrin e Vendimit të Këshillit të Ministrave Nr. 103/1993 në universitete bullgare për studentë, doktorantë dhe specializantë gjatë vitit akademik 2025/2026. Aktivitetet janë planifikuar si më poshtë:

Në Ambasadën e Republikës së Bullgarisë në Tiranë u zhvillua një takim i ambasadorit Ivaylo Kirov dhe stafit të Zyrës Konsullore me personat, të cilët mund të kryejnë përkthime të dokumenteve e letrave të tjera nga gjuha bullgare në shqip dhe nga gjuha shqipe në bullgarisht në shtetin pritës, në përputhje me nenin 18 të Rregullores për legalizimet, vërtetimet dhe përkthimet e dokumenteve dhe letrave të tjera. Takimi u organizua me kërkesë të përkthyesve dhe në të u diskutua procedura e pranimit të qytetarëve në Zyrën Konsullore dhe hapat e mundshëm për optimizimin e punës së përbashkët.

Me mbështetjen financiare të shtetit bullgar dhe në kuadër të një projekti të realizuar nga shoqata "Bullgarët në Shqipëri", fëmijëve nga Gora dhe Golloborda u dorëzuan dhurata për festat e fundvitit. Në këto dy rajone jeton një pjesë e madhe e pakicës kombëtare bullgare në Shqipëri. Shpërndarja e dhuratave u bë në praninë e ambasadorit të Republikës së Bullgarisë, z. Ivaylo Kirov, dhe shefit të seksionit të diplomacisë publike pranë ambasadës, z. Asen Paçev.

Me ndihmën e qeverisë së Republikës së Bullgarisë u rinovua oborri i shkollës 9-vjeçare "Xhafer Ollomani" në fshatin Borje të Kukësit. Projekti u realizua nga shoqata “Bullgarët e Shqipërisë” në bashkëpunim me Ambasadën e Republikës së Bullgarisë në Tiranë.

Në qytetin Shijak u mbajt edicioni i tretë për vitin 2024 i festivalit "Mbrëmja e kulturës bullgare". Falë përpjekjeve të përbashkëta të organizatorit Xhejlan Demirev, Ambasadës së Republikës së Bullgarisë në Tiranë dhe Bashkisë së Shijakut, këngët dhe vallet popullore bullgare gjetën një publik të ri.

Festivali "Mbrëmjet e kulturës bullgare" është një nismë që sjell në bregdetin shqiptar shumë turistë bullgarë, të cilët duke shijuar pushimet e tyre, prezantojnë po ashtu para publikut të qytetit të Durrësit bukurinë e folklorit bullgar.