Pritja me rastin e Festës Kombëtare të Republikës së Bullgarisë në Tiranë
14 mars 2023 НовиниMë 1 Mars 2023, Ambasada e Republikës së Bullgarisë në Tiranë organizoi pritjen tradicionale me rastin e festës kombëtare të vendit - 3 Marsit.
Eventi u zhvillua në “Maritim Hotel Plaza” me mbështetjen e “Fibank Albania”. Në të morën pjesë mbi 250 të ftuar – përfaqësues të institucioneve shqiptare, të trupit diplomatik, të bashkësive fetare, të pakicës kombëtare bullgare, njerëz të artit, kulturës dhe arsimit, afaristë dhe miq të Bullgarisë.
Pritja u hap me himnet kombëtare të Bullgarisë dhe Shqipërisë në interpretim të sopranos së shquar shqiptare me prejardhje bullgare Ramona Tullumani.
Ambasadori i Jashtëzakonshëm dhe Fuqiplotë i Republikës së Bullgarisë në Republikën e Shqipërisë z. Ivaylo Kirov, i përshëndeti mysafirët në tri gjuhë.
Sipas traditës pranverore bullgare të gjithë të pranishmëve iu dorëzuan verore për shëndet dhe bereqet.